Zīmyssvātku laikā Latgolā izskanē lobdareibys koncerti
Zīmyssvātku laikā Zīmyssvātku Muzykaluo Apvīneiba (ZMA), sasadorbojūt ar organizaceju “ADRA“ i muoceituoju Imantu Gipsli, duovuoje prīcu i drupeit gaismeņis vaira par 200 bārnim Ludzā, Rēzeknē i Lūznovā, kai ari svātku koncertu Borkovys dzeivuotuojim.
Kai piļsātys inpormacejis portlam Ludza24.lv paviestie ZMA, koncertūs izskanēja ZMA draugu, latgalīšu komponistu skaņdorbi, apvīneiba soka cīš lelu paļdis par muzykalū sadarbeibu I. Gedroicai, T. Lipskim, G. Kuzminai, S. Ivanovai, L. Brencei i cytim.
Taipoš sovu vyssirsneiguokū paļdis soka ari atbaļsteituojim i paleigim, kurī dalyka i sovu rūku, i finansialū atbolstu koncertu radeišonā – JIRMV i eipaši S. Mežorei, R. Ivanovam i G. Rupaiņam, SIA "Auto SDL", "ADRA" i eipaši I. Gipslim ar komandu, taipat ari Alvim Berngardam par afišu izveiduošonu i Arņam Krancānam par paleidzeibu dorbā ar tehniskū apreikuojumu i organizatoriskajim vaicuojumim, kai ari vysu koncertvītu vadeituojim i socialūs centru kontaktpersonom.
Koncertu apmaklātuoji tyka aicynuoti nest sovys duovonenis, kab īprīcynuotu vys vaira bārnu. Kūpā tyka sanasti naskaitami raibu zeču i cymdu puori, cyti adejumi, školys lītys, drēbis i cīši daudz soldonumu. Tys vyss jau itūšaļt teik škiruots, kab atrostu sovus mozūs eipašnīkus vēļ vairuokuos saimēs Latgolā.
Uz sarakstu
